
ხვიჩა კვარაცხელია FIFPRO World 11-ის 26 ნომინანტს შორისაა
ხვიჩა კვარაცხელია FIFPRO World 11-ის 26 ნომინანტს შორისაა.
2026 წლის FIFPRO World 11-ის გამარჯვებულები 9 ნოემბერს გახდებიან ცნობილი. ფეხბურთელთა საერთაშორისო პროფესიული კავშირის (FIFPRO) მიერ ორგანიზებული გამოკითხვის შედეგად ქალთა და მამაკაცთა წლის საუკეთესო თერთმეტეულები გამოვლინდებიან.
მამაკაცთა გუნდის გამარჯვებულების გამოცხადება საქართველოს დროით 17:00 საათზე იგეგმება. შედეგები FIFPRO-ს ოფიციალურ ციფრულ პლატფორმებზე გამოქვეყნდება.
წლევანდელ კენჭისყრაში მონაწილეობა 75 ქვეყნის 26 317-მა ფეხბურთელმა მიიღო. მამაკაცთა და ქალთა კატეგორიებში 26-26 ნომინანტია წარდგენილი.
განსაკუთრებული ყურადღება ქართველი გულშემატკივრებისთვის ხვიჩა კვარაცხელიას ნომინაციას ეთმობა. "პარი სენ-ჟერმენისა“ და საქართველოს ნაკრების ვარსკვლავი მამაკაცთა კატეგორიის 26 კანდიდატს შორის მოხვდა. მის კონკურენტებს შორის არიან ლიონელ მესი, კრიშტიანუ რონალდუ, კილიან მბაპე, ერლინგ ჰოლანდი, ლამინ იამალი და ჰარი კეინი.
მნიშვნელოვანია, რომ FIFPRO World 11-ის გამარჯვებულებს FIFA არ ირჩევს — საუკეთესო თერთმეტეულს თავად პროფესიონალი ფეხბურთელები ადგენენ, რაც ამ ჯილდოს განსაკუთრებულ მნიშვნელობას ანიჭებს.
2026 წლის FIFPRO World 11-ის მამაკაცთა კატეგორიის ნომინანტები:
მეკარეები:
-
ტიბო კურტუა ("რეალი“, ბელგია)
-
ემილიანო მარტინესი ("ასტონ ვილა“ / "ჩელსი“, არგენტინა)
-
დავიდ რაია ("არსენალი“, ესპანეთი)
მცველები:
-
პაუ კუბარსი ("ბარსელონა“, ესპანეთი)
-
მარკ კუკურელია ("ჩელსი“ / "რეალი“, ესპანეთი)
-
ვირჯილ ვან დეიკი ("ლივერპული“, ნიდერლანდები)
-
გაბრიელი ("არსენალი“, ბრაზილია)
-
აშრაფ ჰაკიმი ("პარი სენ-ჟერმენი“, მაროკო)
-
ნუნუ მენდეში ("პარი სენ-ჟერმენი“, პორტუგალია)
-
უილიამ სალიბა ("არსენალი“, საფრანგეთი)
-
დაიო უპამეკანო ("ბაიერნი“, საფრანგეთი)
ნახევარმცველები:
-
ჯუდ ბელინგემი ("რეალი“, ინგლისი)
-
ბრუნო ფერნანდეში ("მანჩესტერ იუნაიტედი“, პორტუგალია)
-
ენცო ფერნანდესი ("ჩელსი“ / „მანჩესტერ სიტი“, არგენტინა)
-
პედრი ("ბარსელონა“, ესპანეთი)
-
დეკლან რაისი ("არსენალი“, ინგლისი)
-
როდრი ("მანჩესტერ სიტი“ / „ბარსელონა“, ესპანეთი)
-
ვიტინია ("პარი სენ-ჟერმენი“, პორტუგალია)
თავდამსხმელები:
-
ერლინგ ჰოლანდი ("მანჩესტერ სიტი“, ნორვეგია)
-
ჰარი კეინი ("ბაიერნი“, ინგლისი)
-
ხვიჩა კვარაცხელია ("პარი სენ-ჟერმენი“, საქართველო)
-
კილიან მბაპე ("რეალი“, საფრანგეთი)
-
ლიონელ მესი ("ინტერ მაიამი“, არგენტინა)
-
მაიკლ ოლისე ("ბაიერნი“, საფრანგეთი)
-
კრიშტიანუ რონალდუ ("ალ-ნასრი“, პორტუგალია)
-
ლამინ იამალი ("ბარსელონა“, ესპანეთი)
გამარჯვებულები 9 ნოემბერს გახდებიან ცნობილი.