ელ კლასიკო
25 ოქტ 2026

ელ კლასიკო

სეზონის პირველი „ელ კლასიკო“ დღეს, საქართველოს დროით 00:00 საათზე გაიმართება. მატჩს „სპოტიფაი კამპ ნოუ“ მასპინძლობს.

„ბარსელონა“ შეხვედრას ლა ლიგის ლიდერის პოზიციიდან ხვდება, „რეალი“ კი სატურნირო ცხრილში მესამე ადგილზეა. კატალონიელებმა პირველ ცხრა ტურში ცხრავე შეხვედრა მოიგეს, მადრიდელები კი ლიდერს ექვსი ქულით ჩამორჩებიან.

დღევანდელ დაპირისპირებას ორივე გუნდისთვის განსაკუთრებული მნიშვნელობა აქვს. „ბარსელონას“ გამარჯვება ლიდერობას კიდევ უფრო განუმტკიცებს, ხოლო „რეალს“ შესაძლებლობა ექნება, სატურნირო მდგომარეობა გაიუმჯობესოს და უშუალო კონკურენტთან ჩამორჩენა შეამციროს. შესაბამისად, „ელ კლასიკო“ მხოლოდ პრინციპული მეტოქეების დაპირისპირება არ იქნება - მატჩის შედეგმა შესაძლოა ლა ლიგის სატურნირო ვითარებაზეც მნიშვნელოვანი გავლენა მოახდინოს.

განსაკუთრებულ ინტერესს იწვევს ლამინ იამალისა და კილიან მბაპეს დაპირისპირებაც. „ბარსელონას“ ახალგაზრდა ესპანელი ვარსკვლავი და მადრიდის „რეალის“ ფრანგი თავდამსხმელი დღევანდელი მატჩის ერთ-ერთი მთავარი მოქმედი პირები იქნებიან. იამალი მიმდინარე სეზონში შესანიშნავ ფორმაშია - ლა ლიგის ცხრა შეხვედრაში მან რვა გოლი გაიტანა და ექვსი საგოლე გადაცემა შეასრულა. მბაპე კი „რეალის“ შეტევის ერთ-ერთი მთავარი ფიგურაა და თავისი შედეგიანობით გამოირჩევა.

ორივე ფეხბურთელის ინდივიდუალურმა თამაშმა შესაძლოა მატჩის ბედის გადაწყვეტაში მნიშვნელოვანი როლი ითამაშოს. იამალი „ბარსელონას“ შეტევაში სისწრაფითა და ტექნიკით გამოირჩევა, მბაპე კი მეტოქის დაცვისთვის მუდმივ საფრთხეს წარმოადგენს. შესაბამისად, გულშემატკივრები არა მხოლოდ ორი გრანდის დაპირისპირებას, არამედ ახალგაზრდა ესპანელი ტალანტისა და ფრანგი სუპერვარსკვლავის თამაშსაც განსაკუთრებული ინტერესით დაელოდებიან.

„ელ კლასიკოს“ ისტორიაში გუნდებს შორის სრული თანაფარდობაა - ორივეს 106-106 გამარჯვება აქვს მოპოვებული, 52 შეხვედრა კი ფრედ დასრულდა. რაც შეეხება გატანილ გოლებს, „ბარსელონას“ მეტოქის კარში 441 გოლი აქვს გატანილი, „რეალს“ კი - 441.

USN